Now Reading
Heve long Nauru Palamen i gohet yet
0

Heve long Nauru Palamen i gohet yet

by adminDecember 29, 2017
PNG – Palamen blong Nauru i mit gen long tede namel long heve i kamap bihain ol i saspendim sampela oposisin memba long wanem ol i toktok long ol foran midia, na ABC wantaim.
 
Ol tripela memba ol i saspendim i Kieren Keke, Roland Kun na Mathew Batsiua. Dispela i kamap long Tunde na i lukim birua long palamen haus na ol i kolim polis long go dil wantaim.
Long Trinde, ol sapota blong Dr Keke i wokim protes autsait long palamen na i tok long em i mas stap makim ol insait long palamen.
Dr Keke i tokim Pacific Beat olsem em i bin toktok wantaim Speaker, Ludwig Scotty, long aste long mekim dispela koros blong ol pipol ino go bikpela moa.
Em i tok em i mas stap insait long miting blong palamen na tok makim ol pipol blong en, sapos nogat bai bikpela trabel i kamap.
Speaker i stopim miting blong palamen inao long tede blong ol i lukluk long liklik bajet.
Tupela Mr Kun na Mr Batsiua ino stap long kantri long dispela wik.
Dr Keke itok speaker i laik kisim advais blong ol loia long dispela saspensen, tasol em i had long wanem gavman ibin rausim ol ki pipol long jidiciari.
Gavman ibin rausim chief magistrate Peter Law, na i stopim Chief Justice Geoffrey Eames long go bek long Nauru.

152total visits,2visits today

Leave a Response